വൃക്കകളെ സംരക്ഷിക്കാം ആയുർവേദത്തിലൂടെ

നമ്മുടെ ശരീരത്തെ ശുദ്ധീകരിക്കുന്നപോലെ തന്നെ സ്വയം ശുദ്ധീകരിക്കുകയും ചെയ്യുന്ന അവയവങ്ങളാണ് വൃക്കകൾ. പിൻഭാഗത്ത് നട്ടെല്ലിൻ്റെ ഇരുവശത്തായി സ്ഥിതി ചെയ്യുന്ന വൃക്കകൾ ചെറുപയറിന്റെ ആകൃതിയിലുള്ള അവയവങ്ങളാണ്. രക്തത്തിലെ വിഷാംശം നീക്കം ചെയ്യുന്നതിനും മാലിന്യങ്ങൾ നീക്കം ചെയ്യുന്നതിനും ഉത്തരവാദികളായ വൃക്കകൾ ഇതുകൂടാതെ ആർ.ബി.സി ഉൽപാദനം വർദ്ധിപ്പിക്കുന്നതിനും രക്തസമ്മർദ്ദം സ്ഥിരപ്പെടുത്തുന്നതിനും വിറ്റാമിൻ ഡി സമന്വയിപ്പിക്കുന്നതിനുംകൂടി സഹായിക്കുന്നു. അതിനാൽ ആവശ്യത്തിന് ദ്രാവകങ്ങൾ, പഴങ്ങൾ, പച്ചക്കറികൾ എന്നിവ കഴിച്ചുകൊണ്ട് അവയെ പരിപാലിക്കണം. ഒരു ശരിയായ കിഡ്നി ഡിറ്റോക്സ്, വൃക്കകളുടെയും മൂത്രനാളി, മൂത്രസഞ്ചി എന്നിവയുടെയും പ്രവർത്തനവും മെച്ചപ്പെടുത്തുന്നു.

വൃക്കരോഗങ്ങൾക്ക് ആയുർവേദം താഴെപ്പറയുന്ന തലങ്ങളിലാണ് ചികിത്സ നിർദ്ദേശിക്കുന്നുത്: 

  • ആഹാരം
  • വിഹാരം (ജീവിതശൈലി)
  • ഔഷധം

വൃക്ക തകരാറുകൾ, വൃക്കയിലെ കല്ലുകൾ, പി.കെ.ഡി തുടങ്ങിയവ പോലുള്ള വിട്ടുമാറാത്ത വൃക്കരോഗങ്ങൾക്ക് ആയുർവേദത്തിൽ മരുന്നുകൾ നിർബന്ധിതമാണ്. ഈ പ്രകൃതിദത്ത മരുന്നുകൾ ഹോർമോൺ അസന്തുലിതാവസ്ഥയെ നേരിടുന്നു. കൂടാതെ മാലിന്യങ്ങൾ പുറന്തള്ളുന്നതും, വയറു വീർക്കുന്നതും, ദഹനം മോശമാകുന്നതൂം നിയന്ത്രിക്കുന്നു.

പ്രാണായാമം പോലെയുള്ള യോഗാസനങ്ങൾ വൃക്ക സംരക്ഷണ വ്യായാമങ്ങളായും ആയുർവേദം കണക്കാക്കുന്നു. ശ്വസനത്തിന്റെയും ധ്യാനത്തിന്റെയും സംയോജനമായ പ്രാണായാമം ആത്മാവിനെ ഊർജസ്വലമാക്കുകയും നീർവീക്കം കുറയ്ക്കുകയും വൃക്കയിലെ കല്ലുകൾ കുറയ്ക്കുകയും ചെയ്യുന്നു.

വൃക്കരോഗങ്ങളുടെ കാരണങ്ങളും ലക്ഷണങ്ങളും

നടുവിനും അടിവയറിലും വേദന, ചർമ്മത്തിൽ ചൊറിച്ചിൽ, ഇരുണ്ട മഞ്ഞ നിറത്തിലുള്ള മൂത്രം, ഉറക്കമില്ലായ്മ, ക്ഷീണം, മാനസിക സമ്മർദ്ദം എന്നിവയാണ് വൃക്കരോഗത്തിന്റെ ലക്ഷണങ്ങൾ. അമിതമായ മാനസിക സമ്മർദ്ദം, ചർമ്മത്തിലെ തിണർപ്പ്, എക്സിമ, ശരീരവണ്ണം, മുഖക്കുരു, ശരീരഭാരം വർദ്ധിക്കൽ, വൃക്കയിലെ കല്ലുകൾ, ഇടയ്ക്കിടെയുള്ള മൂത്രമൊഴിക്കൽ, മൂത്രനാളി അണുബാധകൾ (UTIs) എന്നിവയും വൃക്കകളുടെ പ്രവർത്തനക്ഷമത കുറവാണെന്നതിനെ സൂചിപിക്കുന്നു.

ആവശ്യമായ വെള്ളം കുടിക്കാത്തതും സംസ്കരിച്ച ഭക്ഷണവും പഞ്ചസാരയും അടങ്ങിയ അനാരോഗ്യകരമായ ഭക്ഷണക്രമവുമാണ് സാധാരണയായി വൃക്കരോഗങ്ങളുടെ തുടക്കം. ലവണങ്ങളുടെ അമിതമായ ഉപയോഗം, വേദനസംഹാരികളുടെ അമിതമായ ഉപയോഗം എന്നിവയും വൃക്കകളുടെ പ്രവർത്തനത്തെ തടസ്സപ്പെടുത്തുന്നു.

കിഡ്‌നി ട്രാക്‌റ്റ് ശുദ്ധീകരിക്കാനുള്ള ആയുർവേദ ഔഷധങ്ങൾ

ചില ഭക്ഷണങ്ങളും ഔഷധസസ്യങ്ങളും വൃക്ക സംബന്ധമായ വേദനയും മറ്റും ലഘൂകരിക്കുന്നു. 

  • ആരോഗ്യമുള്ള വൃക്കകൾക്ക് ഏറ്റവും അത്യാവശ്യമായത് സ്വയം ജലാംശം നിലനിർത്തുക എന്നതാണ്.
  •  രണ്ട് ടേബിൾസ്പൂൺ വേപ്പിൻ നീര് ദിവസവും രണ്ട് നേരം കഴിക്കുന്നത് നമ്മുടെ ശരീരത്തെ ശുദ്ധീകരിക്ക്ക്കാൻ സഹായിക്കുന്നു
  • വൃക്കരോഗത്തിന് വിത്തുകൾ അടങ്ങിയ ഭക്ഷണങ്ങൾ ഒഴിവാക്കുന്നത് പ്രധാനമാണ് (ദഹന, വിസർജ്ജന സംവിധാനങ്ങളിലൂടെ അവ പ്രോസസ്സ് ചെയ്യാൻ കൂടുതൽ സമയമെടുക്കും).

വൃക്കകളിലെ വിഷാംശം ഇല്ലാതാക്കുകയും മൂത്രനാളി ശുദ്ധീകരിക്കുകയും ചെയ്യുന്ന അഞ്ച് ആയുർവേദ ഔഷധങ്ങൾ ഇതാ:

  • പാർസ്ലി

കിഡ്‌നി ശുദ്ധീകരിക്കുന്ന ഏറ്റവും മികച്ച ഔഷധസസ്യങ്ങളിലൊന്നായ പാർസ്ലി പ്രകൃതിദത്തമായ വളരെ നല്ലൊരു ഡൈയൂററ്റിക് ആണ്. ഇത് വൃക്കകളിൽ നിന്ന് അണുക്കളെയും ബാക്ടീരിയകളെയും പുറന്തള്ളുന്നു. കിഡ്‌നിയും മൂത്രനാളിയും ശുദ്ധീകരണം ചെയ്യാനുള്ള നിങ്ങളുടെ പ്രതിവിധിയായി ദിവസവും ഒരു ഗ്ലാസ് പാർസ്ലി ജ്യൂസിലേക്ക് അര മുറി നാരങ്ങ പിഴിഞ്ഞെടുത്ത് കുടിക്കുക.

  • സെലറി

സെലറിയുടെ സ്വാഭാവിക ഡൈയൂററ്റിക് ഗുണങ്ങൾ മൂത്രമൊഴിക്കുന്നതിനും അതുവഴി വിഷവസ്തുക്കളെ നീക്കം ചെയ്യുന്നതിനും സഹായിക്കുന്നു. ഇതിലെ ആവശ്യ പോഷകങ്ങൾ വൃക്കകളെ ഉത്തേജിപ്പിക്കുക മാത്രമല്ല, വൃക്കയിലെ കല്ലുകൾ, അണുബാധകൾ എന്നിവ തടയുകയും ചെയ്യുന്നു.

  • ഇഞ്ചി

വൃക്കകളെ ശുദ്ധീകരിക്കുന്നതിനുള്ള മറ്റൊരു മികച്ച സസ്യം, ഇത് ദഹനത്തെ മെച്ചപ്പെടുത്തുന്നു, അതേ സമയം വൃക്കകളെയും കരളിനെയും ശുദ്ധീകരിക്കുന്നു.

  • മഞ്ഞൾ

മഞ്ഞളിന് ശക്തമായ ശുദ്ധീകരണ ഗുണങ്ങളുണ്ട്, ഇത് വൃക്കകളെയും രക്തത്തെയും ശുദ്ധീകരിക്കുന്നു. ആൻറി-ഇൻഫ്ലമേറ്ററി ഗുണങ്ങൾ കിഡ്നി അണുബാധകളും വീക്കവും തടയുകയും ചികിത്സിക്കുകയും ചെയ്യുന്നു.

  • രക്തചന്ദനം

രക്തചന്ദനം അഥവാ ചുവന്ന ചന്ദനം ഗുരുതരമായ അണുബാധകൾ ഒഴിവാക്കി വൃക്കകളുടെ പ്രവർത്തനം മെച്ചപ്പെടുത്താൻ സഹായിക്കുന്നു.

ആരോഗ്യമുള്ള വൃക്കകൾക്ക് വേണ്ടി

ആയുർവേദ രോഗശാന്തിയുടെ സമഗ്രമായ സമീപനം ശരിയായ ഭക്ഷണക്രമവും വ്യായാമവും ഉപയോഗിക്കുന്നു. ആരോഗ്യമുള്ള കിഡ്‌നി ഉറപ്പാക്കാൻ ഇവ കഴിക്കാം.

  • ആപ്പിൾ

ഉയർന്ന നാരുകളും ലഘൂകരണ ഗുണങ്ങളും ഉള്ള ആപ്പിൾ കൊളസ്ട്രോൾ കുറയ്ക്കാനും മലബന്ധം തടയാനും ഹൃദയരോഗങ്ങളിൽ നിന്ന് സംരക്ഷിക്കാനും നിങ്ങളുടെ വൃക്കകളെ ആരോഗ്യത്തോടെ നിലനിർത്താനും സഹായിക്കുന്നു.

  • ഉള്ളി

പൊട്ടാസ്യം കുറവായ ഉള്ളി ആരോഗ്യമുള്ള വൃക്കകൾക്ക് ഏറ്റവും അനുയോജ്യമാണ്. കൊഴുപ്പ്, പ്രോട്ടീൻ, അന്നജം എന്നിവയുടെ ദഹനത്തിന് നിങ്ങളുടെ ശരീരത്തെ സഹായിക്കുന്ന ധാതുവായ ക്രോമിയം അവയിൽ അടങ്ങിയിട്ടുണ്ട്.

  • ബ്ലൂബെറി

ഉയർന്ന പോഷകാഹാരമായ ബ്ലൂബെറിയിൽ അടങ്ങിയിട്ടുള്ള ആന്റിഓക്‌സിഡന്റ് സംയുക്തങ്ങൾ, വിറ്റാമിൻ സി, നാരുകൾ എന്നിവ വീക്കം കുറയ്ക്കുന്നു.

  • വെളുത്തുള്ളി

വീക്കം കുറയ്ക്കുകയും കൊളസ്ട്രോൾ കുറയ്ക്കുകയും ചെയ്യുന്ന വെളുത്തുള്ളി, വിട്ടുമാറാത്ത വൃക്കരോഗങ്ങൾ ലഘൂകരിക്കാൻ അനുയോജ്യമാണ്. ഇതിന് ആന്റിഓക്‌സിഡന്റും ആന്റി ക്ലോട്ടിംഗ് ഗുണങ്ങളുമുണ്ട്.

  • കാബേജ്

കാബേജിൽ വിറ്റാമിൻ കെ, സി എന്നിവ അടങ്ങിയിട്ടുണ്ട്, ഉയർന്ന നാരുകളും വിറ്റാമിൻ ബി6, ഫോളിക് ആസിഡ് എന്നിവയുടെ നല്ല ഉറവിടവുമാണ്, കൂടാതെ പൊട്ടാസ്യം കുറവുമായതിനാൽ ഇത് കിഡ്‌നി രോഗങ്ങളെ അകറ്റുന്നു.

Facebook
Twitter

Comments

Popular Now

Related Topics

മഞ്ഞൾ സ്മൂത്തി എങ്ങനെ തയ്യാറാക്കാം ആയുർവേദത്തിൽ

‘നിങ്ങൾ കഴിക്കുന്നത് എന്താണോ, അതാണ് നിങ്ങൾ’ – ഈ ആംഗലേയത്തിലുള്ള ‘യു ആർ വാട്ട് യു ഈട്’ എന്ന ചൊല്ല് നിങ്ങൾക്ക് പരിചിതമായിരിക്കണം. ആരോഗ്യം നിലനിർത്തുവാനും ആരോഗ്യവാനായിരിക്കുവാനും

വേനൽച്ചൂട് മൂലമുണ്ടാകുന്ന ക്ഷീണം മാറ്റാൻ ചില വീട്ടുവൈദ്യങ്ങൾ.

വേനൽക്കാലം കുപ്രസിദ്ധമായ ചൂടുള്ളതും ശരീരത്തെ ആകമാനം മന്ദപ്പെടുത്തുന്നതുമായ ഒരു കാലാവസ്ഥയാണ്. അത് മൂലം തളർച്ച, ക്ഷീണം എന്നിവ അനുഭവപ്പെടാം എന്ന് മാത്രമല്ല, തലകറക്കം, ക്ഷീണം, തലവേദന തുടങ്ങിയ

കോവിഡാനന്തര പ്രശ്നങ്ങളും ആയുർവേദ ചികിത്സയും

കോവിഡ്-19 എന്ന മഹാമാരിയുടെ മൂന്നാം തരംഗം കടന്നിരിക്കുകയാണ്. ആദ്യരണ്ടു തരംഗങ്ങളെ അപേക്ഷിച്ച് മൂന്നാം തരംഗത്തിന് തീവ്രത കുറഞ്ഞതിനാൽ ജനങ്ങൾക്ക് കരുതലും കുറഞ്ഞിരിക്കുന്നു. എന്നാൽ കോവിഡ്-19 വ്യക്തികളെ വ്യത്യസ്ത

ആയുർവേദം കൂടുതൽ ആളുകളിലേക്കെത്തിക്കാൻ ആയുർവാലി ക്ലിനിക്ക്.

ആയുർവേദത്തിന്റെ ഏറ്റവും ആധികാരികവും യഥാർത്ഥവുമായ രൂപം, താങ്ങാവുന്ന ചിലവിൽ ഞങ്ങളുടെ രോഗികൾക്ക് എത്തിക്കുക എന്നതാണ് ഞങ്ങളുടെ ശ്രമം. കേരളത്തിലും തമിഴ്‌നാട്ടിലുമായി ഞങ്ങൾ ആയുർവാലി ക്ലിനിക്ക് സ്ഥാപിക്കുന്നതിനുള്ള കൃത്യമായ

റമദാൻ വ്രതാനുഷ്ഠാന സമയത്തു പാലിക്കുവാൻ ആയുർവേദത്തിലുള്ള ചില മാർഗ്ഗനിർദ്ദേശങ്ങൾ.

വിശ്വാസത്തിന്റെയും ത്യാഗത്തിന്റെയും ഒരു സമ്പൂർണ്ണ ചന്ദ്രചക്രമാണ് വിശുദ്ധ റമദാൻ. ലോകമെമ്പാടുമുള്ള എല്ലാ ഭൂഖണ്ഡങ്ങളിലും താമസിക്കുന്ന കോടിക്കണക്കിന് മുസ്ലീങ്ങൾ റമദാനിലുടനീളം എല്ലാ ദിവസവും പ്രഭാതം മുതൽ പ്രദോഷം വരെ

Find out how Ayurvalley can
help you stay healthy

More About Us

Our specialised treatments
address all ailments

View our Treatments

Talk to us to find the harmony
in mind and body

Contact Us