വേപ്പ് : ആയുർവേദത്തിലെ അത്ഭുത സസ്യം

വേപ്പ് ഒരു അത്ഭുത സസ്യമാണ്, അതിന്റെ ഇലകൾ പോലും വളരെ സങ്കീർണ്ണമായതാണ്. മഹാഗണി കുടുംബത്തിലെ അംഗമായതിനാൽ, വേപ്പ് നൂറ്റി മുപ്പതിലധികം ജൈവശാസ്ത്രപരമായി സജീവമായ ഘടകങ്ങളാൽ സമ്പന്നമാണ്. ബാക്ടീരിയകളെയും വൈറസുകളെയും ചെറുക്കാനുള്ള ശക്തമായ മൂലകങ്ങൾ അടങ്ങിയിട്ടുള്ളതിനാൽ വേപ്പ് ആന്റിസെപ്റ്റിക് ആയി വ്യാപകമായി ഉപയോഗിക്കുന്നു. ഒരു ഉഷ്ണമേഖലാ സസ്യമായതിനാൽ, താഴ്ന്ന പ്രദേശങ്ങളിൽ ഏതാണ്ട് എവിടെയും വേപ്പ് വളരുമെന്ന് പറയപ്പെടുന്നു. വേപ്പിന്റെ ഓരോ ഭാഗവും ആയുർവേദ പ്രകാരം ഗുണം ചെയ്യും. ഇലകൾക്കൊപ്പം, അതിന്റെ പുറംതൊലി, വിത്തുകൾ, വേരുകൾ എന്നിവ അണുബാധകൾ, വീക്കം, ത്വക്ക് രോഗങ്ങൾ, ദന്തരോഗങ്ങൾ തുടങ്ങിയ വിവിധ പ്രശ്നങ്ങൾക്ക് ഉപയോഗിക്കാം. ഇത് കൊണ്ടെല്ലാം വേപ്പ് ഒരു അത്ഭുത സസ്യമായി അറിയപ്പെടുന്നു. 

യുഎസ് നാഷണൽ റിസർച്ച് കൗൺസിൽ നടത്തിയ ഒരു ഗവേഷണ പ്രകാരം, വേപ്പിന് 200-ലധികം പ്രാണിവര്‍ഗങ്ങളെ സ്വാധീനിക്കാൻ കഴിയും. ഇതിൽ സൂക്ഷ്മാണുക്കളും ഉൾപ്പെടുന്നു. പരമ്പരാഗത ഉപയോഗങ്ങളിൽ ഇലകൾ ചതച്ച് പേസ്റ്റ് രൂപത്തിലാക്കി മുറിവുകൾ, ഉരച്ചിലുകൾ, അൾസർ അല്ലെങ്കിൽ ത്വക്ക് രോഗങ്ങൾ എന്നിവയിൽ നേരിട്ട് പ്രയോഗിക്കുകയും ചെയ്യുന്നു. സമീപകാല പഠനങ്ങൾ വേപ്പിന്റെ മറ്റ് പല ഉപയോഗങ്ങളും അംഗീകരിച്ചിട്ടുണ്ട്, ഇവിടെ നമുക്ക്  വേപ്പിന്റെ ഈ അത്ഭുത ശക്തികളെ അടുത്തറിയാം. വസ്‌തുതകളിലേക്ക് കടക്കുന്നതിനുമുമ്പ്, വേപ്പിന് വാതത്തെ പ്രകോപിപ്പിക്കുന്ന സ്വഭാവമുണ്ടെന്ന് പറയേണ്ടത് പ്രധാനമാണ്. ആയുർവേദത്തിൽ, പിത്തവും കഫവും സന്തുലിതമാക്കാൻ വേപ്പ് സാധാരണയായി ഉപയോഗിക്കുന്നു. വേപ്പ് ഉള്ളിൽ കഴിക്കുകയോ ശരീരത്തിൽ പുരട്ടുകയോ ചെയുതാലും ഗുണം ചെയ്യും. വേപ്പിന്റെ ചില അത്ഭുത ഗുണങ്ങൾ താഴെ കൊടുത്തിരിക്കുന്നു.

കാൻസർ കോശങ്ങൾക്കെതിരെ പോരാടുന്നു

വേപ്പിന് അവിശ്വസനീയമായ നിരവധി ചികിത്സാ ഗുണങ്ങളുണ്ട്, എന്നാൽ ഏറ്റവും പ്രധാനപ്പെട്ട കാര്യങ്ങളിലൊന്ന്, ഇത് ക്യാൻസർ / ട്യൂമറസ് കോശങ്ങളെ കൊല്ലുന്നു എന്നതാണ്. എല്ലാവരുടെയും ശരീരത്തിൽ കാൻസർ കോശങ്ങളുണ്ട്, പക്ഷേ സാധാരണയായി അവ ക്രമരഹിതമാണ്. ദിവസവും വേപ്പ് കഴിക്കുന്നത് ക്യാൻസർ കോശങ്ങളെ ഒരു പരിധി വരെ നശിപ്പിക്കും.

രോഗശാന്തി

വേപ്പിന്റെ പുറംതൊലിയിലും ചില്ലകളിലും പോളിസാക്രറൈഡുകൾ ധാരാളം അടങ്ങിയിട്ടുണ്ട്. വേപ്പിൻ തൊലിയുടെ സത്ത് ദന്തരോഗങ്ങൾക്കും ടൂത്ത് പേസ്റ്റായും ഉപയോഗിക്കാം. വേപ്പിൻ ചില്ലകൾ ചവയ്ക്കുന്നത് പല്ലിന്റെ ശുചിത്വം മെച്ചപ്പെടുത്തും. ഈ സത്തിന് കീടങ്ങളെ അകറ്റാനും കഴിയും. വേപ്പിന്റെ പുറംതൊലി പൊടിച്ച് വിവിധ രോഗങ്ങൾക്ക് രോഗശാന്തിയായി ഉപയോഗിക്കുന്നു.

ശുദ്ധീകരണം

വേപ്പിൻ വിത്തുകൾ ഒരു ശുദ്ധീകരണ ഏജന്റായി ഉപയോഗിക്കാം. വേപ്പിൻ കുരു ഉണക്കി ചതച്ച് കുതിർത്ത് സാന്ദ്രീകൃത എണ്ണ ഉണ്ടാക്കാം. ഇത് മരുന്നുകളിലും സൗന്ദര്യവർദ്ധക വസ്തുക്കളിലും കീടനാശിനിയായും ഉപയോഗിക്കാം. ആരോഗ്യമുള്ള ത്വക്ക്, നഖം, തലയോട്ടി, മുടി എന്നിവയ്ക്ക് വേപ്പിന്റെ എണ്ണ ഗുണം ചെയ്യും. വേപ്പെണ്ണ ചർമ്മത്തിൽ പുരട്ടുന്നത് ചർമ്മത്തെയും നഖങ്ങളെയും വൃത്തിയാക്കാൻ സഹായിക്കും.

ബാക്ടീരിയ, ഫംഗസ് എന്നിവയ്‌ക്കെതിരെ പോരാടുന്നു

വേപ്പിൽ ആൻറി ബാക്ടീരിയൽ, ആന്റി ഫംഗൽ ഗുണങ്ങൾ അടങ്ങിയിട്ടുണ്ട്. മനുഷ്യ ശരീരത്തെ ബാധിക്കുന്ന ചില ഫംഗസുകൾക്കെതിരെ വേപ്പ് ഫലപ്രദമാണെന്ന് തെളിയിച്ചിട്ടുണ്ട്. നിങ്ങൾ ദിവസേന ഒരു നിശ്ചിത അളവിൽ വേപ്പ് കഴിക്കുകയാണെങ്കിൽ, അത് കുടൽ മേഖലയിലെ പ്രശ്നകാരികളായ ബാക്ടീരിയകളെ നശിപ്പിക്കും, നിങ്ങളുടെ വൻകുടൽ പൊതുവെ ശുദ്ധവും അണുബാധയില്ലാതെയും നിലനിൽക്കും.

രോഗ പ്രതിരോധം

വേപ്പ് ദിവസവും കഴിച്ചാൽ ശരീരത്തിന് പ്രതിരോധ ശക്തി കൂടുന്നു. ശരീരത്തിലെ വിഷാംശം ഇല്ലാതാക്കാനുള്ള വേപ്പിന്റെ കഴിവ് ഇതിനെ ഒരു മികച്ച രോഗപ്രതിരോധശേഷി വര്‍ദ്ധിപ്പിക്കുന്ന ഔഷധമായി മാറ്റുന്നു. വേപ്പിന്റെ ആന്റിമലേറിയൽ പ്രവർത്തനം മലേറിയ അണുബാധയ്ക്കുള്ള മികച്ച പ്രീതിവിഥിയാണ്. ബാക്‌ടീരിയ, വൈറസ്, ഫംഗസ് എന്നിവ മൂലമുണ്ടാകുന്ന രോഗങ്ങൾ ദിവസവും വേപ്പില കഴിച്ചാൽ തടയാം.